|
ماحاببات، سةنى قيىن جىرلاۋ بۇگىن،
سةن جايلى جوق-بار دةگةن جۇر داۋلى ۇعىم .
بولدى ةكةن قانشا عۇمىر ساعان قارىز،
بولدى ةكةن قانشا عۇمىر قۇرباندىعىڭ؟
ءان بولدىڭ تاڭدايدان بال تامىزعانشا،
مۇڭ بولدىڭ كوزدةن جاستى اعىزعانشا .
ماڭگى جاس سةن جايىندا داستان بار-اۋ،
ماڭگى ولمةس سةن تۋرالى اڭىز قانشا؟!
جالىنداپ جاس جۇرةكتىڭ بار قىزۋى،
جاستىقتىڭ باستالعاندا بال قىزىعى،
ةرتةدة سۇلۋ قىزعا بولعان عاشىق
انانىڭ الپةشتةگةن جالعىز ۇلى .
سول قىزعا جولىعاتىن باتىل الگى
ءبىر كۇندةر توسةك تارتىپ جاتىپ الدى .
ۇيقىعا كةتسة شوشىپ الاسۇرىپ،
اناسىن ايقاي سالىپ شاقىرادى .
گۇل ءوڭى الاۋ تارتىپ جايقالمايدى،
ساۋىعۋ مىناۋ حالدةن بايقالمايدى .
ول ءبىراق ءىشىن ورتةپ جاتقان جايدى
اشىلىپ اناسىنا ايتا المايدى .
قىز اتىن ايتسا اۋىزدان زار شىعىپتى،
قۇس جاستىق اققان جاسقا مالشىنىپتى،
دةرتىنة ساعىنىشتىڭ شىداي الماي،
جاس جىگىت قۇر سۇلدةر بوپ تاۋسىلىپتى .
قينادى قىزدىڭ شارتى، بولةك ةكةن
و سۇلۋ، نةتكةن قاتال كةرةمةت ةڭ؟!
«اناڭنىڭ جۇرةگىن اپ كةلگةن كۇنى
مةن ساعان جار بولامىن»، - دةگةن ةكةن .
سول قىزعا ةسى اۋعان جىگىت مۇلدة،
بۇك ءتۇسىپ جاتا المادى قۇرىپ كۇندة .
ۇيقىدا بةيقام جاتقان سورلى انانىڭ
جۇرةگىن جۇلىپ الدى تۇرىپ تۇندة .
سۇيۋدىڭ سةرتى مة ةدى سونىڭ ءبارى،
ول مىنة، قىزدىڭ شارتىن ورىندادى،
سۇرىنىپ كةتسة جىگىت كةلة جاتىپ،
جۇرةگى ءتۇسىپ كةتكةن قولىنداعى .
انانىڭ كةزى بار ما كةكتى بولعان
وقىستا جۇرةك ءتۇسىپ كةتتى قولدان .
ۇمتىلسا، توپىراقتا جاتقان جۇرةك
«قۇلىنىم، بايقاساڭشى»، - دةپتى وعان . . .
وسىنداي اڭىز قالعان حالىق ىشىندة،
كىم ءبىلسىن ماحابباتتىڭ داڭقى ءۇشىن بة؟
بولماسا جوق نارسةنى بولعىز دةيتىن
قىز كةزدىڭ تاكاپپارلىق سالتى ءۇشىن بة؟
وسى اڭىز ةستىگةنگة قاتال-اق تىم .
داستۇرگة قارسى انادان باتا الاتىن،
كىم ءبىلسىن دالةلدةۋگة شىعاردى ما،
انانىڭ اينىمايتىن ماحابباتىن؟
|
|
| كومەك
| باس بەكەتىمىز
| سۇحپات باس بەتىمىز
