( <بوعدا> جۋرنالى 2008-جىلعى 1-سان . <كوبەلەك تاعدىر> تۇرسىن ماحىمەت ۇلى )
قۋ تاعدىر، الدامشى دۇنيە ادامنىڭ ويلاعانىنداي قايدان بولسىن؟ ىلعي دا ءبىر-بىرىنە قاراما-قارسى كەلىپ ىرقىڭا كونبەيدى. سونىڭ ىشىندە ۋاقىت سەنىڭ بۇرالاعانىڭا باعىنبايدى. الدا بولاتىن جاقسى ىسىڭە، باقىتتى ساتىڭە اسىققان سايىن سازارعان كۇن سازبەتتەنىپ جىلجىمايدى. سابىرىڭدى ساعاتتىڭ ءتىلى شىنجىرلاپ، تاعاتىڭدى تۇگەتەر بولادى. << اسىقساڭ جاقسىلىققا اسىق>> دەپ تۇرىپ اسىعامىز. ىشكى وزەكتى جۇلىنىنا جۇگىرتە ويلاساق، جاقسىلىق ءۇشىن اسىعۋدىڭ ءوزى ءومىردى الداپ وتكىزۋ ەكەن. تۇلكى بۇلاڭ قىزىق ارمان مۇرىندىقتى ادام تاعدىرىنىڭ اقىرعى دەمىن شاپشاڭ تاپسىرۋعا، سوڭعى نۇكتەسىن تەز قويۋعا اسىقتىرارىن قايدان بىلەمىز. سونىڭ سوڭىندا ەنتىگىپ جۇرىپ، كوز جۇمارعا كەلگەندە، قاراڭعىدان قاشقالاقتاپ، جارىقتى قيماي جاپاقتايسىڭ. جاڭىلىستان 20 جىلدىق تۇرمە تۇبىندە وتىرعان جان يەسى بايقۇس بولار-بولماس ساڭىلاۋدان ۇلكەن ءۇمىت كۇتىپ، ۇزاق ءومىرىنىڭ تەز ءوتۋى ءۇشىن سارىلادى.
وزگە ەمەس، كەيدى ءتاڭىردىڭ ءوزى جازىقسىز ءبىر پەندەلەرىن ورىنسىز قورلاعانىنا بولا ومىرگە وشىگەسىڭ. جىلان تىلىڭدى جالاڭداتىپ، جازعانىڭا جازىقتى بولاسىڭ. ەڭ الجۋاز جاننىڭ جانارىمەن، جوق شام ايلانعان كوبەلەكتىڭ كوزىمەن قاراڭىزشى! بىرەۋدىڭ قوينىندا جاتقان ءوز ادامىڭدى كورگەننەن قيىن قورلىق، ودان اۋىر زۇلمات بولماس-اۋ.
...ۇيتكەنى قالاي سۋىق باۋىرلىققا سالايىن دەگەنىڭمەن دە، تۇڭعىش سۇيگەنىڭدى، جۇرەگىڭنىڭ العاشقى توناۋشىسىن ادام ۇمىتپايدى ەكەن. كوكتەمگى گۇلىنىڭ العاشقى بۇرشىگىن كۇزگى شىققا كىم قيار دەيسىڭ؟
<<جاقسى -ءسوز جارىم ىرىس>> دەگەن ەمەس پە، ومىردەن تورىققان، جارىقتان بەزىنگەن ءبىر ۇمىتسىز كەزدەرىڭ بولادى عوي. سونداي تۇستاردا جاناشىرىڭنىڭ جالعىز اۋىز جاقسى لەپەسى قۇتقارۋشىلىق ىستەيتىن كەزدەرى بولادى ەكەن. سولقىلداپ سىنايىن دەپ تۇرعانىڭدا سەرپىندىلىك قۋات باعىشتايدى.
اسىرەسە كۇيىك جۇتقان جاننىڭ تاعدىرى شىتقا ءتۇيۋلى قولىندا جۇرەدى. ونىڭ جانى ول ءۇشىن اياۋلى سانالمايدى. اياۋلى قۇنىن بولمىستىڭ بۇرالاڭ جولدارى قۇرباندىققا شالعان. سوعان بولا ءوزىن ايامايدى. ءوتىپ جاتقان ءومىرىن ءماندى سانامايدى.تاڭنىڭ اتۋى، كۇننىڭ باتۋى لامپوچكانىڭ جانىپ قايتا سونۋىمەن بارابار.
ادامگەرشىلىك اتتى ار تۇلعانىڭ الدىنا ماحاببات نارىن شوگەردىم. ويلاشى، عاشىقتىقتىڭ مۇراتى ايمالاسۋ، اسابەرسە ءتان قۇمارلىعىنان شىعۋدا ەمەس ەكەن. كەرىسىنشە ءبىر-ءبىرىن ايالاۋ، الپەشتەۋدە، ءوزارا قادىر-قىمباتىنا جەتۋىمەن قۇندى كورىنەدى. ءبىر-ءبىرىن مۇراتتىڭ الىپ اسقارىنا كوتەرۋمەن باعالى سياقتى. جۇرەك سىندى اسىل قويماڭنىڭ تۇبىندە سۇيىكتىڭ سول سۇيىكتى قالپى ساقتالماسا نەسىنە ماڭگىلىك دەي الامىز....
بۇل ۇزىندىلەر ماعان وتە تاماشا اسەر قالدىردى. سۇحباتتاستاردىڭ وراي بولسا وسى شىعارمانىڭ تولىعىن وقىپ شىعۋىن تىلەيمىن!
تەك ساحارا تورابىنا ءتان!
[ وزگەرتكەن مۇشەەسىڭە ال ۋاقىتى،2010-07-29 14:03 ]
| كومەك
| باس بەكەتىمىز
| سۇحپات باس بەتىمىز
