|
قىس كەلەدى قايتالاپ ،
جاز كەلەدى قايتالاپ .
اۋەلگى ءانىن قايتالاپ ،
قاز كەلەدى قايتالاپ .
ءبىر ورىسكە قوي جايام ،
ءبىر قوراعا قايتالاپ .
ءبىر جولمەنەن بارامىن ،
ءبىر قالاعا قايتالاپ .
ەگىندى دە ەگەمىن،
ءبىر دالاعا قايتالاپ .
مەن وسىلاي كەلەمىن ،
ءبىر جولمەنەن قايتالاپ .
ءبىر مازمۇندى جازامىن ،
ءبىر قولمەنەن قايتالاپ .
تىرشىلىكتىڭ تيرمەنى ،
توقتامايدى ايلانعان .
مەن تيرمەننىڭ اتىمىن ،
ەشبىر ءجىپسىز بايلانعان .
ءبىر باعىتپەن ايلانعان ،
ءبىر باعىتپەن ويلانعان .
اينالۋىم توقتاسا ،
بۇل تيرمەنىم توقتايدى .
تيرمەنىممەن بىرلىكتە ،
جۇرەگىم دە توقتايدى .
قايتالاۋدان باسقاعا ،
كوڭىلىم دە سوقپايدى .
ءار ءبىر كۇنىم وسىلاي ،
قايتالانىپ جاتادى .
قايتالانىپ تاڭ اتىپ ،
قايتالانىپ باتادى .
قايتالانۋ تيرمەنىن ،
ءار كىمدەر-اق تارتادى !
*
|
|
| كومەك
| باس بەكەتىمىز
| سۇحپات باس بەتىمىز
